Saturday, November 10, 2007
سوالف ..
اليوم على الماسنجر كنت أحكي مع صديقتي
وقلت لها قولي الأشياء اللي مو كويسة فيني
على شان أتفاداها مستقبلاً

فقالت فيكي دقّة زايدة مالها داعي في السوالف
تثير الضحك :)

وأنا بالنسبة لي ما أشوف فيها شي
بالعكس أحب هذي الصفة في نفسي

وأحسها ميزة موعيب

أذكر مرّة خالي قالي : متى قصيّتي شعرك !؟
قلتله 16 - 9 ،، وقام يضحك

:)

وأنا أشوف إني ما دام إني أذكر التاريخ
ليه ما أقوله !؟
ليه ما نأرخ الأحداث !؟
الله :) والحدث المهم

* * *

فيه تصرف مرّات أسوّيه
ودايم بعدها أندم ،، ولا ودّي إني سوّيته
فقلت لازم أسوّي شي يذكرني وينهاني عنه
فرحت اخترت لي اسوارة ولبستها
على إنها تكون هذا العهد بيني وبين نفسي
ولما دروا خواتي عنّي ضحكوا
وقالوا أجل قريتي حلول الطبيب النفسي في جريدة الرياض

سبحان الله :)
اخترعنا نفس الحل ..

تتوقعون يفيد !؟

* * *
ننتقل إلى صفة أخرى فيني
وهي التسويف والتأجيل وجميع مرادفاتها

مستحيل أسوّي شي لين يضغطني الوقت وأصير مجبرة
هذي مشكلتي الأزلية
أتمنى ألقى لها حل
رغم إني جرّبت عدداً من الحلول ،، لكن لا فائدة !!

يوم الثلاثاء عندي إختبار بيئة الحاسب
Computer Environment
في 3 فصول والمنهج صعب ولسّا ما تعرفت عليه :)

فعطيت نفسي إجازة يوم الأربعاء ،، خليني أكون صريحة مع نفسي ،، لأني الأربعاء مستحيل أسوي شي غير طقوسي المعتادة
وقلت الخميس فصل والجمعة فصل والسبت فصل
والأحد والإثنين مراجعة

والنتيجة الحين راح ينتهي يوم السبت ما بديت في المنهج
:(

أكره نفسي في هذي الحالات ..

* * *

كثّرنا كلام ،، صح :)

المهم

دعواتكم لي ..

Labels:

posted by May @ 12:52 PM  
6 Comments:
  • At November 10, 2007 at 5:38 PM, Anonymous Anonymous said…

    العكس
    يا ريت تتكلمي للصبح
    أسلوبك حلو
    هههههه

    أشكرك
    و السلام عليكم

     
  • At November 10, 2007 at 9:36 PM, Anonymous Anonymous said…

    خخخخ عليك حركات يا مي

    التسويف كلنا بنعاني منه
    اهم شي حطي في بالك انو المفروض ما يمر يوم بدون الشي اللي حددتيه حتى ما تسوفي .. راح تحسي وقتها كمان بتأنيب الضمير :D

    بالتوفيق حبيبتي :)

     
  • At November 11, 2007 at 11:28 AM, Anonymous Anonymous said…

    شي حلو أنك تسألي عن عيوبك

    ..رحم الله من أهدى إلي عيوبي

    وشغله التسويف هذي تجيني أحيانا لكن في حاجات وحاجات أمور الدراسه كل يوم بكره لين يجي الامتحان وأنا حتى ماعندي مرجع

    أما لوكان شي ثاني غير الدراسه راح أسويه بوقته سبحان الله :)

    مدونه جميله سلامي لك

     
  • At November 12, 2007 at 3:03 AM, Blogger May said…

    أنمار:
    شاكرة لك مرورك وإطرائك
    :)

    * * *

    أسماء:
    إن شاء الله أقدر :) لو مرّة وحدة بس
    نوّرتي المكان ;)

    * * *

    الوعد:
    سبحان الله !!
    أجل العالم مثلي

    وشاكرة لك مرورك ..

     
  • At November 12, 2007 at 11:10 AM, Anonymous Anonymous said…

    اهلين ميّ ،
    تعجبني الدقه حتى في السواليف ، والشخص الدقيق تراه ذكي ;)
    وبالنسبه للتسويف ..اوووه ياما حطيت جداول مذاكره ايام الكليه بس ماانفذ
    الله يوفئك خيتو :)

     
  • At November 13, 2007 at 12:33 AM, Blogger ياقلبي ابتسم said…

    بالنسبه لي الدقة في المواعيد ميزة مو عيب زيك :)

    وبالنسبه للاسوره انا اتوقع ان اي شي ممكن يفيد مادام انتي عندك النيه انك تسويه او تبطليه واتخاذ الاسوره لمجرد التذكير
    اما الفعل لازم يكون منك انتي تسويه وانتي مقتنعه

    اما مشكلة التأجيل فكثير يعانوا منها ويحسوا ان الوقت معاهم ومايدرون انه ضدهم

    للاسف الله يفكنا من هالطبع :(

    وماكثرتي كلام
    بالعكس كلامك حلو :)

     
Post a Comment
<< Home
 
 
 
About Me

Name: May
Home: Riyadh, Najd, Saudi Arabia
About Me:
See my complete profile

Previous Post
Archives
Template by
Free Blogger Templates